Ársfundur Frjálsa lífeyrissjóðsins verður haldinn 30. maí nk.

Ársfundur Frjálsa lífeyrissjóðsins verður haldinn á morgun, miðvikudaginn 30. maí, kl. 17:15, í höfuðstöðvum Arion banka að Borgartúni 19. 

Dagskrá

1. Skýrsla stjórnar
2. Kynning ársreiknings
3. Tryggingafræðileg athugun
4. Fjárfestingarstefna sjóðsins
5. Kosning stjórnar og varamanna
6. Kjör endurskoðanda
7. Tillögur um breytingar á samþykktum sjóðsins
8. Laun stjórnarmanna
9. Önnur mál 

Stjórn sjóðsins skal skipuð sjö sjóðfélögum, fjórum kosnum af sjóðfélögum á ársfundi og þremur skipuðum af Arion banka. Tveir aðalmenn skulu kosnir á hverjum ársfundi sjóðsins til tveggja ára í senn, en nú er skipunartími tveggja stjórnarmanna að renna út, annars vegar Ásgeirs Thoroddsen, formanns stjórnar, og hins vegar Önnu Sigríðar Halldórsdóttur og verður því kosið um þau tvö sæti í stjórn á ársfundinum. Upplýsingar um stjórnarmenn Frjálsa lífeyrissjóðsins má finna hér. Þá skulu tveir varamenn kosnir á ársfundi sjóðfélaga til eins árs í senn og Arion banki skipar tvo varamenn. Á ársfundinum verður því einnig kosið um tvo varamenn í stjórn til eins árs.

Tillögur um breytingar á samþykktum sjóðsins hafa verið birtar hér á síðunni, auk þess sem að kynningar á frambjóðendum til stjórnar hafa verið birtar hér á síðunni.

Sjóðfélagar þurfa að framvísa skilríkjum með mynd við skráningu inn á fundinn.

Stjórn sjóðsins hvetur sjóðfélaga til að mæta á fundinn.