Lækkun á vöxtum lífeyrisjóðslána

Verðtryggðir vextir lífeyrissjóðslána Frjálsa lífeyrissjóðsins lækka í 3,0% frá og með 15. október nk. Vextir lánanna eru endurskoðaðir á þriggja mánaða fresti og taka mið af meðalávöxtunarkröfu íbúðabréfa HFF34 síðustu þrjá almanaksmánuði að viðbættu vaxtaálagi sem stjórn sjóðsins ákveður, nú 0,6%. Lækkunin gildir einnig um þau lán sem hafa verið tekin til þessa.