Ársfundur
og rafræn kosning í stjórn
Ársfundur Frjálsa lífeyrissjóðsins verður haldinn fimmtudaginn 23. maí nk. kl. 17:15 í höfuðstöðvum Arion banka, Borgartúni 19.
Allir sjóðfélagar eru velkomnir á fundinn en einnig verður hægt að fylgjast með fundinum í gegnum vefstreymi. Kosning til stjórnar og atkvæðagreiðslur um tillögur á ársfundinum fara eingöngu fram með rafrænum hætti.
Kosning til stjórnar stendur yfir í eina viku fyrir fund og lýkur á ársfundardegi.
Aðrar atkvæðagreiðslur fara fram á ársfundinum sjálfum og geta sjóðfélagar sem fylgjast með í gegnum vefstreymi tekið þátt í atkvæðagreiðslum sem fara fram á ársfundinum.
Þeir sem vilja fylgjast með í gegnum vefstreymi þurfa að skrá sig fyrir kl. 17:00 á ársfundardegi og munu þeir fá sendan hlekk í tölvupósti á vefstreymið skömmu fyrir fundinn.
Sjóðfélagar eða umboðshafar þeirra sem mæta á ársfundinn eru minntir á að taka með sér skilríki með mynd og hvattir til að mæta tímanlega.
Tillögur um breytingar á samþykktum sjóðsins verða birtar á vef sjóðsins tveimur vikum fyrir ársfund.
Upplýsingar um rafrænar kosningar má finna hér.
Upplýsingar um stjórnarkosningarnar og framboðsfrest má finna hér.
Dagskrá
- Skýrsla stjórnar
- Kynning ársreiknings
- Kynning á niðurstöðu rafrænna stjórnarkosninga
- Tryggingafræðileg athugun
- Fjárfestingarstefna sjóðsins
- Kjör endurskoðanda
- Tillögur um breytingar á samþykktum sjóðsins
- Laun stjórnarmanna
- Önnur mál
Skráning á ársfund eða vefstreymi
Upplýsingaefni
Niðurstaða stjórnarkosningar á ársfundi Frjálsa 2024
Aðalstjórn
- Ásdís Eva Hannesdóttir: 11.781.732.136 og 43,34%
- Magnús Pálmi Skúlason: 10.661.346.013 og 39,22%
- Kristjana Kjartansdóttir: 2.552.261.318 og 9,39%
- Indriði Ingi Stefánsson: 1.982.560.965 og 7,29%
- Tók ekki afstöðu: 206.139.325 og 0,76%
Ásdís Eva Hannesdóttir og Magnús Pálmi Skúlason hljóta því kosningu í aðalstjórn til næstu þriggja ára.
Varastjórn
- Sigurður H. Ingimarsson: 9.991.572.446 og 68,73%
- Kristjana Kjartansdóttir: 2.210.899.926 og 15,21%
- Indriði Ingi Stefánsson: 1.291.820.511 og 8,89%
- Tók ekki afstöðu: 1.042.526.864 og 7,17%
Sigurður H. Ingimarsson hlýtur því kosningu í varastjórn til næstu þriggja ára.
Stjórnarkosningar
Samkvæmt samþykktum Frjálsa skal stjórn sjóðsins skipuð sjö sjóðfélögum og þremur til vara, kosnum af sjóðfélögum.
Fjögur framboð bárust í tvö laus sæti í aðalstjórn Frjálsa lífeyrissjóðsins. Tveir frambjóðendanna í aðalstjórn gefa einnig kost á sér í varastjórn. Þrjú framboð bárust í eitt laust sæti í varastjórn.
Í ljósi samsetningar þeirra stjórnarmanna sem sitja áfram í aðalstjórn er laust sæti eins frambjóðanda af hvoru kyni eða tveggja kvenna.
Upplýsingar um frambjóðendur í stjórn sem þeir hafa sent sjóðnum má nálgast hér fyrir neðan með því að smella á kynningarbréfið.
Framboð til aðalstjórnar í stafrófsröð:
• Ásdís Eva Hannesdóttir - kynningarbréf / kynningarmyndband
• Indriði Ingi Stefánsson - kynningarbréf / kynningarmyndband
• Kristjana Kjartansdóttir - kynningarbréf / kynningarmyndband
• Magnús Pálmi Skúlason - kynningarbréf
Framboð til varastjórnar í stafrófsröð:
• Indriði Ingi Stefánsson - kynningarbréf
• Kristjana Kjartansdóttir - kynningarbréf
• Sigurður H. Ingimarsson - kynningarbréf
Rafræn kosning í stjórn
Vakin er athygli á því að kosning til stjórnar fer eingöngu fram með rafrænum hætti. Rafræn kosning hefst kl. 17:00 fimmtudaginn 16. maí 2024 og stendur yfir til kl. 17:00 á ársfundardegi fimmtudaginn 23. maí 2024. Nánari upplýsingar um rafrænu kosningarnar er að finna hér.
Rafrænar atkvæðagreiðslur á ársfundi
Kjör endurskoðanda, kosning um tillögur um breytingar á samþykktum og laun stjórnarmanna munu fara fram með rafrænum hætti á ársfundinum.
SMELLTU HÉR TIL AÐ KJÓSA Á ÁRSFUNDI
Sjóðfélagi skráir sig inn með rafrænum skilríkjum eða með íslykli.
Rafræn kosning til stjórnar var opin frá kl. 17:00 fimmtudaginn 16. maí 2024 til kl. 17:00 á ársfundardegi fimmtudaginn 23. maí 2024.
Upplýsingar um frambjóðendur er að finna hér.
Niðurstaða rafrænna kosninga verður kynnt á ársfundinum.
Nánar um rafrænar kosningar og atkvæðagreiðslur
Sjóðfélagi getur endurtekið og breytt kosningu að vild á meðan rafræn kosning er opin. Síðasta rafræna kosning sjóðfélaga er sú sem gildir. Hafi sjóðfélagi fengið umboð annars sjóðfélaga eftir að hafa kosið rafrænt þarf umboðshafi að kjósa aftur.
Frekari aðstoð er hægt að fá hjá lífeyrisráðgjafa í síma 444-6090.
Vefstreymi
Þeir sem vilja fylgjast með í gegnum vefstreymi þurfa að skrá sig fyrir kl. 17:00 á ársfundardegi og munu þeir fá sendan hlekk á vefstreymið skömmu fyrir fundinn.
Til upplýsinga verður ársfundur Frjálsa lífeyrissjóðsins tekinn upp í hljóði og mynd. Sjóðfélagar, fulltrúar þeirra sem og aðrir þátttakendur geta því komið fram á slíkum upptökum. Upptökurnar fara fram og eru varðveittar í þeim tilgangi að skrá viðburðinn. Framkvæmd upptöku og varðveisla hennar felur í sér vinnslu persónuupplýsinga og er hún byggð á grundvelli lögmætra hagsmuna sjóðsins. Nánari upplýsingar um meðferð Frjálsa á persónuupplýsingum og réttindi þín má finna í persónuverndaryfirlýsingu rekstraraðila Frjálsa lífeyrissjóðsins sem má finna hér.
Umboð
Kjósi sjóðfélagi að veita öðrum einstaklingi umboð til að fara með atkvæðisrétt sinn í rafrænum kosningum vegna ársfundar sjóðsins er mælst til þess að notast sé við rafræna umboðsgjöf. Umboð gilda bæði fyrir rafrænar kosningar til stjórnar og aðrar atkvæðagreiðslur á ársfundi. Sjóðfélagi sem hefur kosið í stjórnarkosningum getur ekki gefið umboð fyrir atkvæðagreiðslur á ársfundinum sjálfum.
Rafrænt umboð.
Geti sjóðfélagi ekki undirritað með rafrænum skilríkjum er mælst til þess að eftirfarandi form sé notað:
Skrifleg umboð þurfa að berast sjóðnum á netfangið arsfundur@frjalsi.is eða í móttöku Arion banka, Borgartúni 19. Kjörskrá sjóðsins er uppfærð ekki síðar en í upphafi næsta dags eftir að umboð berst sjóðnum. Skrifleg umboð þurfa að berast sjóðnum með sannanlegum hætti eigi síðar en kl. 14:15 á ársfundardegi til að umboðshafi geti nýtt atkvæðarétt sinn.
Atkvæðavægi
Atkvæðamagn sjóðfélaga fer eftir inneign þeirra í séreignarsjóði við næstliðin mánaðamót og hlutfallslegri inneign í tryggingadeild við næstliðin áramót. Stjórnarmenn eru kosnir með meirihlutakosningu. Ef sjóðfélagi kýs einn frambjóðanda fara öll atkvæði sjóðfélaga til þess frambjóðanda. Ef merkt er við tvo eða fleiri fá þeir öll atkvæði sjóðfélagans óskipt.
Nánar er fjallað um fyrirkomulag kosninga í reglum Frjálsa lífeyrissjóðsins um framkvæmd ársfundar og rafræna atkvæðagreiðslu.
Frambjóðendur
Upplýsingasíða fyrir frambjóðendur er aðgengileg hér fyrir neðan.
Opna upplýsingasíðu fyrir frambjóðendur
Nánari upplýsingar um fyrirkomulag fundarins er að finna í reglum stjórnar Frjálsa lífeyrissjóðsins um framkvæmd ársfundar og rafræna atkvæðagreiðslu.